46ஆவது சார்க்பினான்ஸ் ஆளுநர்களின் குழுக் கூட்டத்தினை 2024 ஒத்தோபர் 24 அன்று வொஷிங்டன், டிசியில் இலங்கை மத்திய வங்கி தலைமை தாங்கி நடாத்தியது. பன்னாட்டு நாணய நிதியம் மற்றும் உலக வங்கிக் குழுவின் வருடாந்த கூட்டங்களின் துணை நிகழ்வொன்றாக இக்கூட்டம் நடைபெற்றது. இக்கூட்டத்தில் ஆளுநர்கள், நிதிச் செயலாளர்கள் மற்றும் சார்க் உறுப்பு நாடுகளின் மத்திய வங்கிகள் மற்றும் நிதி அமைச்சுக்கள் என்பவற்றிலிருந்தான ஏனைய பிரதிநிதிகள் கலந்துகொண்டனர்.

2023ஆம் ஆண்டின் 16ஆம் இலக்க மத்திய வங்கிச் சட்டத்தின் பிரிவு 70(1)இன் நியதிகளில் இலங்கை மத்திய வங்கி 2024 ஆம் ஆண்டிற்கான நிதியியல் உறுதித்தன்மை மீளாய்வினை வெளியிட்டிருக்கின்றது. இச்சட்டரீதியான அறிக்கை, நிதியியல் முறைமையின் உறுதித்தன்மை மீதான கணிப்பீட்டுடன் தொடர்பான இடர்நேர்வுகள் மற்றும் பாதிக்கப்படும் தன்மைகள் என்பனவற்றை அடையாளம் கண்டு, மதிப்பீடு செய்வதோடு மத்திய வங்கி மற்றும் ஏனைய ஒழுங்குமுறைப்படுத்தல்  அதிகாரசபைகளினால் செயற்படுத்தப்பட்ட கொள்கை வழிமுறைகளையும் மேற்கோடிடுகிறது.