2024 யூலையில் வர்த்தகப் பற்றாக்குறையில் ஏற்பட்ட விரிவாக்கமொன்றிற்கு மத்தியில் தொழிலாளர் பணவனுப்பல்கள் மற்றும் சுற்றுலாத் துறையிலிருந்தான வருவாய்கள் என்பவற்றிலிருந்தான அதிகரித்தளவிலான உட்பாய்ச்சல்களினால் உந்தப்பட்டு வெளிநாட்டுத் துறையானது தொடர்ந்தும் தாக்குப்பிடிக்கக்கூடிய தன்மையினைக் கொண்டிருந்தது.

வணிகப்பொருள் வர்த்தகப் பற்றாக்குறையானது 2024 யூலையில் விரிவடைந்து (ஆண்டிற்காண்டு), 2024இன் இதுவரையான காலப்பகுதியில் உயர்ந்தளவிலான மாதாந்த வர்த்தகப் பற்றாக்குறையொன்றினைப் பதிவுசெய்தது.

கொழும்பு மாவட்டத்திற்கான காணி விலைமதிப்பீட்டுக் குறிகாட்டி, 2024இன் முதலாம் அரையாண்டு காலப்பகுதியின் போது ஆண்டுக்காண்டு அடிப்படையில் 6.9 சதவீதத்தினால் அதிகரித்தது. காணி விலைமதிப்பீட்டுக் குறிகாட்டியின் அனைத்துத் துணைக் குறிகாட்டிகளும் அதாவது, வதிவிட, வர்த்தக மற்றும் கைத்தொழில் காணி விலைமதிப்பீட்டுக் குறிகாட்டிகளும் இவ்வதிகரிப்புக்குப் பங்களித்து முறையே 8.5 சதவீதம், 8.5 சதவீதம் மற்றும் 3.7 சதவீதம் கொண்ட வருடாந்த அதிகரிப்பினைப் பதிவுசெய்தன.   அரையாண்டு அடிப்படையில், காணி விலைமதிப்பீட்டுக் குறிகாட்டியும் அதன் துணைக் குறிகாட்டிகளும் 2023இன் இரண்டாம் அரையாண்டில் பதிவாகிய பெறுமதிகளுடன் ஒப்பிடுகையில் 2024இன் முதலாம் அரையாண்டு காலப்பகுதியில் உயர்வான வீதத்தில் அதிகரித்தன. மேலும், கைத்தொழில் காணி விலைமதிப்பீட்டுக் குறிகாட்டியானது வர்த்தக மற்றும் வதிவிட காணி விலைமதிப்பீட்டுக் குறிகாட்டிகளுடன் ஒப்பிடுகையில் மெதுவான வீதத்தில் அதிகரித்தது.