இறக்குமதிச் செலவினத்தில் ஏற்பட்ட குறிப்பிடத்தக்க வீழ்ச்சியைத் தொடர்ந்து 2018 நவெம்பரில் வர்த்தகக் கணக்கின் பற்றாக்குறை (ஆண்டுக்காண்டு) குறிப்பிடத்தக்களவிற்கு சுருக்கமடைந்தது.
2018 நவெம்பரில் (ஆண்டுக்காண்டு) ஏற்றுமதிகள் 4.1 சதவீதத்தினால் அதிகரித்த வேளையில் இறக்குமதிகள் 9.1 சதவீதத்தினால் சுருக்கமடைந்தன.
சுற்றுலா பருவகாலம் ஆரம்பமாகியதுடன் சுற்றுலாவிலிருந்தான வருவாய்கள் மீண்டும் வலுவடைந்து நவெம்பரில் 18.2 சதவீதம் கொண்ட (ஆண்டுக்காண்டு) வளர்ச்சியைப் பதிவுசெய்தன. சுற்றுலாத்துறை 2019ஆம் ஆண்டு முழுவதும் தொடர்ச்சியாக உத்வேகம் மிக்க செயலாற்றத்தினைக் கொண்டிருக்குமென எதிர்பார்க்கப்படுகின்றது.
