தயாரிப்பு கொள்வனவு முகாமையாளர் சுட்டெண் கடந்த இரண்டு ஆண்டுகளில் அவதானிக்கப்பட்ட சுருக்கத்திலிருந்து 2016 யூனில் சாதகமான நிலைமையொன்றிற்கு மீட்சியடைந்து 55.1 சதவீத சுட்டெண் புள்ளியைப் பதிவுசெய்தது. இது 2016 மேயிலிருந்து 7.2 சுட்டெண் புள்ளிகளைக் கொண்டதொரு அதிகரிப்பாகும். இம்முன்னேற்றத்திற்கு உற்பத்தி மற்றும் புதிய கட்டளைகள் சுட்டெண்களில் அவதானிக்கப்பட்ட குறிப்பிடத்தக்க அதிகரிப்பே பக்கபலமாக விளங்கியது. மேலும், அனைத்துக் கொள்வனவு முகாமையாளர் சுட்டெண்கள் நிரம்பலர் வழங்கலிலிருந்து விலகி முன்னைய மாதத்துடன் ஒப்பிடுகையில் அதிகரித்தது. ஒட்டுமொத்த தரவுப் புள்ளிகள் விரிவாக்கமொன்றினைக் கொண்டிருந்தவிடத்து அனைத்து துணைச் சுட்டெண்களும் தொழில்நிலைச் சுட்டெண்ணிலிருந்து விலகி 50.0 கீழ் மட்ட நிலைக்கு மேலே காணப்பட்டது. நடவடிக்கைகளுக்கான எதிர்பார்ப்பக்களும் அடுத்த மூன்று மாதங்களுக்கு முன்னேற்றமொன்றினை எடுத்துக்காட்டின. ஆண்டிற்கு ஆண்டு அடிப்படையில், கொள்வனவு முகாமையாளர் சுட்டெண் 2015 யூனுடன் ஒப்பிடுகையில் 2.4 சுட்டெண் புள்ளிகள் கொண்ட சிறிதளவு வீழ்ச்சியைக் காட்டியது.  

2016 மாச்சில் வர்த்தகப் பற்றாக்குறை விரிவடைந்தமையின் காரணமாக வெளிநாட்டுத் துறைச் செயலாற்றம் மிதமடைந்தது. முன்னைய மாதத்துடன் ஒப்பிடுகையில் இம்மாத காலப்பகுதியில் ஏற்றுமதிகளிலிருந்தான வருவாய்கள் வீழ்ச்சியடைந்த வேளையில் இறக்குமதிகள் சிறிதளவால் வீழ்ச்சியடைந்தன. எனினும், 2016இன் முதற்காலாண்டுப் பகுதியில் வர்த்தகப் பற்றாக்குறை 2015இன் தொடர்பான காலப்பகுதியுடன் ஒப்பிடுகையில் சுருக்கமடைந்தமைக்கு ஏற்றுமதிகளில் காணப்பட்ட குறைப்பினை இறக்குமதிகளில் ஏற்பட்ட குறைப்பு விஞ்சிக் காணப்படட்மையே முக்கிய காரணமாகும். சுற்றுலா வருவாய்கள் மற்றும் தொழிலாளர் பணவனுப்பல்கள் அதிகரித்தமையின் மூலம் சென்மதி நிலுவையின் நடைமுறைக் கணக்கு வலுவடைந்த வேளையில் நிதியியல் கணக்கிற்கான உட்பாய்ச்சல்கள தொடர்ந்தும் மிதமடைந்தன.

முழுவடிவம்