மேலும்
Subscribe to Central Bank of Sri Lanka RSS

செய்திகள்

இலங்கை கொள்வனவு முகாமையாளா் சுட்டெண் அளவீடு - 2018 யூலை

தயாரிப்புத் துறை கொள்வனவு முகாமையாளர் சுட்டெண் முன்னைய மாதத்தில் அவதானிக்கப்பட்ட 57.6 சுட்டெண் புள்ளிகளிலிருந்து  2018 யூலையில்  57.2 சுட்டெண் புள்ளிகளுக்கு குறைவடைந்தது. தயாரிப்பு நடவடிக்கைகளில் அவதானிக்கப்பட்ட சிறிதளவான மெதுவடைதலானது, விசேடமாக உணவு மற்றும் குடிபானம் மற்றும் புடவை மற்றும் அணியும் ஆடைகள் துறையில் காணப்பட்ட அதிகளவிலான தொழிலாளர்களின் புரள்வு காரணமாக திறனற்ற தொழிலாளர்களின் பிரதியிடுதலில் காணப்பட்ட இடர்பாடுகளின் காரணமாக தொழில்நிலையின் மெதுவடைதலினால் உந்தப்பட்டது. மேலும், 2018 யூலையில் புதிய கட்டளைகள் சிறிதளவில் மெதுவடைந்திருந்தது. எவ்வாறாயினும், உற்பத்தி மற்றும் கொள்வனவுகளின் இருப்பு விசேடமாக இரசாயன மற்றும் மருந்தாக்கல் பொருட்களின் உற்பத்தியில் அடுத்த மூன்று மாத அளவில் எதிர்பார்க்கப்படுகின்ற சாதகமான தோற்றப்பாடு காரணமாக மேம்பாடொன்றினை காண்பித்தது. இவ்  வேளையில், நீட்சியடைந்த நிரம்பலர் வழங்கல் நேரமானது வழக்கமாக பொருளாதாரத்தின் குறுகிய காலத்தில் நடவடிக்கைகளின் விரிவாக்கத்தின் துரித வளர்ச்சியை குறித்துக்காட்டுகின்றது.

முதனிலை வணிகா் தொடா்பான ஒழுங்குபடுத்தல் நடவடிக்கை - பான் ஏசியா பாங்கிங் கோப்பிரேசன் பிஎல்சி

பதிவுசெய்யப்பட்ட பங்குகள் மற்றும் பிணையங்கள் கட்டளைச் சட்டம் மற்றும் உள்நாட்டு திறைசோி உண்டியல் கட்டளைச் சட்டம் என்பனவற்றின் கீழ் செய்யப்பட்ட நியதிகள் மற்றும் நிபந்தனைகளுக்கிணங்க, இலங்கை மத்திய வங்கியின் நாணயச் சபையானது, இலங்கை மத்திய வங்கியினால் மேற்கொள்ளப்படும் விசாரணைகளை தொடா்ந்து மேற்கொள்ளும் வகையில் 2018 ஓகத்து 15ஆம் திகதி மு.ப 10 மணியிலிருந்து நடைமுறைக்குவரும் விதத்தில் பான் ஏசியா பாங்கிங் கோப்பிரேசன் பிஎல்சி அதன் முதனிலை வணிகா் வியாபாரம் மற்றும் நடவடிக்கைகளை மேற்கொள்வதற்கான இடைநிறுத்தலை மேலும் ஆறு மாத காலப்பகுதிக்கு நீடிப்பதற்குத் தீர்மானித்திருக்கிறது.

இவ்வொழுங்குபடுத்தல் நடவடிக்கைகளானது அரச பிணையங்களுக்கான முதனிலை ஏலங்களுக்கான பான் ஏசியா பாங்கிங் கோப்ரேசன் பிஎல்சியின் அணுகுமுறையினை கட்டுப்படுத்துகின்றது என்பதை இலங்கை மத்திய வங்கி வலியுறுத்த விரும்புகின்றது. இது பான் ஏசியா பாங்கிங் கோப்பிரேசன் பிஎல்சியின் ஏனைய நடவடிக்கைகள்/ பணிகளில் எந்தவித தாக்கத்தினையும் ஏற்படுத்தாது.

இலங்கை மத்திய வங்கி கொள்கை வட்டி வீதங்களைத் தற்போதைய மட்டங்களிலேயே பேணுகின்றது

இலங்கை மத்திய வங்கியின் நாணயச் சபை 2018 ஓகத்து 02ஆம்; நாள் நடைபெற்ற அதன் கூட்டத்தில் கொள்கை வட்டி வீதங்களை அவற்றின் தற்போதைய மட்டங்களில் பேணுவதற்குத் தீர்மானித்தது. இதற்கமைய இலங்கை மத்திய வங்கியின் துணைநில் வைப்பு வசதி வீதமும் துணைநில் கடன்வழங்கல் வசதி வீதமும் முறையே 7.25 சதவீதமாகவும் 8.50 சதவீதமாகவும் தொடர்ந்தும் காணப்படும். நடுத்தர காலத்தில் பணவீக்கத்தை நடு ஒற்றை இலக்க மட்டத்தில் உறுதிப்படுத்துவதனையும் அதன் மூலம் இலங்கைப் பொருளாதாரத்தின் அதிகரித்த மற்றும் நீடித்த வளர்ச்சி உத்வேகத்திற்கு பங்களிப்பு செய்வதற்குமான நோக்குடன் இசைந்து செல்லும் வகையில் சபையின் தீர்மானம் அமைந்துள்ளது. சபையானது அதன் தீர்மானத்தினை மேற்கொள்வதற்கு தற்போதைய மற்றும் எதிர்பார்க்கப்பட்ட உள்நாட்டு மற்றும் வெளிநாட்டு பொருளாதார அபிவிருத்திகளை கரிசனையுடன் கண்காணித்துள்ளது.

ஸ்ரான்டட் கிறெடிட் பினான்ஸ் லிமிடெட் - 2011 ஆண்டின் 42ஆம் இலக்க நிதி வியாபாரச் சட்டத்தின் கீழ் வழங்கப்பட்ட உரிமத்தினையும் 2000 ஆண்டின்56ஆம் இலக்க நிதிக் குத்தகைக்குவிடல் சட்டத்தின் கீழ் வழங்கப்பட்ட பதிவுச் சான்றிதழினையும் இரத்துச் செய்தல்

2011ஆம் ஆண்டின் 42ஆம் இலக்க நிதி வியாபாரச் சட்டத்தின் கீழ் உரிமமளிக்கப்பட்ட உரிமம் பெற்ற நிதிக் கம்பனியொன்றான ஸ்ரான்டட் கிறெடிட் பினான்ஸ் லிமிடெட், 2008 முதல் திரவத்தன்மை நெருக்கடியினை எதிர்கொண்டிருந்தது. கம்பனியின் வைப்பாளர்கள் கடந்த 10 ஆண்டுகளுக்கு மேல் தமது பணத்தினை மீளப்பெற முடியாதுள்ளனர். வேறுபட்ட உபாயங்களூடாக கம்பனிக்கு புத்துயிரளிப்பதற்கு எடுக்கப்பட்ட அனைத்து முயற்சிகளும் தோல்வியடைந்துள்ளன. தற்போதைய நிலைமையினைத் தொடர்வது வைப்பாளர்களின் நலவுரித்துக்களுக்கும் கம்பனியின் ஏனைய ஆர்வலர்களுக்கும் மேலும் கெடுதலை உருவாக்கும்.

ஆகவே, இலங்கை மத்திய வங்கியின் நாணயச் சபை, 2018 யூலை 25 தொடக்கம் செயற்படத்தக்கவாறு 2011ஆம் ஆண்டின் 42ஆம் இலக்க நிதி வியாபாரச் சட்டத்தின் கீழ் ஸ்ரான்டட் கிறெடிட் பினான்ஸ் லிமிடெட் நிறுவனத்திற்கு வழங்கப்பட்ட உரிமத்தினை இரத்துச் செய்வதற்குத் தீர்மானித்துள்ளது. அதற்கமைய, ஸ்ரான்டட் கிறெடிட் பினான்ஸ் லிமிடெட் நிறுவனமானது 2018 யூலை 25 முதல் செயற்படத்தக்கவாறு 2011ஆம் ஆண்டின் 42ஆம் இலக்க நிதி வியாபாரச் சட்டத்தின் கீழ் நிதி வியாபாரத்தில் ஈடுபடுவதற்கு அனுமதிக்கப்படாது.

2018 யூனில் பணவீக்கம்

தொகைமதிப்புப் புள்ளிவிபரத் திணைக்களத்தினால் தொகுக்கப்படும் தேசிய நுகர்வோர் விலைச் சுட்டெண்ணில் (2013=100) ஏற்பட்ட மாற்றங்களினால் அளவிடப்பட்டவாறான முதன்மைப் பணவீக்கம், உணவு வகைப் பொருட்களின் விலைகளில் ஏற்பட்ட மாதாந்த அதிகரிப்பினால் பிரதானமாக தூண்டப்பட்டு ஆண்டிற்கு ஆண்டு அடிப்படையில் 2018 மேயின் 2.1 சதவீதத்திலிருந்து 2018 யூனில் 2.5 சதவீதத்திற்கு அதிகரித்தது. ஆண்டுச் சராசரி அடிப்படையில் அளவிடப்பட்ட தேசிய நுகர்வோர் விலைச் சுட்டெண்ணில் ஏற்பட்ட மாற்றம் 2018 மேயின் 5.7 சதவீதத்திலிருந்து 2018 யூனில் 5.3 சதவீதத்துக்கு வீழ்ச்சியடைந்தது. 

வெளிநாட்டுத் துறைச் செயலாற்றம் - 2018 மே

இலங்கையின் வெளிநாட்டுத் துறையானது 2018 மேயில் மிதமான செயலாற்றமொன்றினை எடுத்துக்காட்டியது. இறக்குமதி வளர்ச்சியினை ஏற்றுமதி வளர்ச்சி வேகத்தை விஞ்சியிருந்தமையினால் 2018 மேயில் வர்த்தகக் கணக்குப் பற்றாக்குறை ஒப்பீட்டளவில் வேகம் குறைந்த வீதமொன்றில் தொடர்ந்தும் விரிவடைந்தது. மாதத்தின் போது சுற்றுலாப் பயணிகள் வருவாய்கள் தொடர்ந்தும் அதிகரித்த அதேவேளை தொழிலாளர் பணவனுப்பல்கள் வீழ்ச்சியடைந்தது. சென்மதி நிலுவை நிதியியல் கணக்கிற்கான உட்பாய்ச்சலானது அரசாங்கப் பிணையங்கள் சந்தையிலிருந்தான தேறிய வெளிப்பாய்ச்சல் மற்றும் கொழும்புப் பங்குப் பரிவர்த்தனைக்கான தேறிய உட்பாய்ச்சல்களின் குறைவு என்பவற்றுடன் மிதமாகவிருந்தது. 2018 மே இறுதியில் நாட்டின் மொத்த அலுவல்சார் ஒதுக்குகளின் மட்டம், ஐ.அ.டொலர் 8.8 பில்லியனாக இருந்தது. அதேவேளை, உள்நாட்டு மற்றும் உலக வெளிநாட்டுச் செலாவணிச் சந்தைகளில் அபிவிருத்திகளைப் பிரதிபலித்து இலங்கை ரூபா 2018 மே இறுதியளவில் ஐ.அ.டொலருக்கெதிராக 3.3 சதவீதத்தினாலும் 2018 யூலை 20 வரை ஆண்டின் போது இதுவரையில் 4.5 சதவீதத்தினாலும் தேய்வடைந்தது.

 

Pages

செய்தி வெளியீடுகள்

27.09.2024 பகிரங்கச் சந்தை நடவடிக்கைகள் - 2024 செத்தெம்பா் 27
27.09.2024 Release of “Sri Lanka Socio-Economic Data – 2024” Publication
27.09.2024 2024 செத்தெம்பா் 25இல் இடம்பெற்ற திறைசேரி உண்டியல் வழங்கல்
27.09.2024 நாணயக்கொள்கை மீளாய்வு : இல. 05 - 2024 செத்தெம்பா்
26.09.2024 பகிரங்கச் சந்தை நடவடிக்கைகள் - 2024 செத்தெம்பா் 26
25.09.2024 பகிரங்கச் சந்தை நடவடிக்கைகள் - 2024 செத்தெம்பா் 25

மேலும்

அரச பிணையங்கள்

வெளிநாட்டு/வதிவற்ற முதலீட்டாளர்களுக்கான திறைசேரி உண்டியல்கள்/முறிகள்

இலங்கை அபிவிருத்தி முறிகள்

திறைசேரி முறிகளின் முதலாம்தர ஏலக் கலண்டர்

இரண்டாம்தரச் சந்தை வர்த்தக சுருக்கம்

லங்கா செக்குயர் சேவைகள்

மேலும்

சந்தை அறிவிப்புகள்

29.09.2024 Post of Translator (English-Sinhala) / (English-Tamil) (On Contract Basis)
27.09.2024 2024 ஒத்தோபர் 02ஆம் திகதி ஏலவிற்பனையினூடாக 142,500 மில்லியன் ரூபாவுக்கான திறைசேரி உண்டியல்கள் வழங்கப்படும்
20.09.2024 2024 செத்தெம்பா் 25ஆம் திகதி ஏலவிற்பனையினூடாக 120,000 மில்லியன் ரூபாவுக்கான திறைசேரி உண்டியல்கள் வழங்கப்படும்
13.09.2024 இலங்கை மத்திய வங்கி தலைமை அலுவலகக் கட்டடத்தின் வெளிப்புற நிறப்பூச்சுக்களைப் பூசுதல் தொடர்பாக ஒப்பந்தகாரர்களை தெரிவட்டவணைப்படுத்தல்
11.09.2024 2024 செத்தெம்பா் 18ஆம் திகதி ஏலவிற்பனையினூடாக 175,000 மில்லியன் ரூபாவுக்கான திறைசேரி உண்டியல்கள் வழங்கப்படும்
09.09.2024 ரூ. 290,000 மில்லியன் திறைசேரி முறிகளை வழங்கல்

மேலும்

எங்களைப்பற்றி

ஏனைய சேவைகள்

பயனுள்ள இணையதளங்கள்

எங்களை தொடர