இலங்கையின் வெளிநாட்டுத் துறைச் செயலாற்றமானது பிரதானமாக சென்மதி நிலுவை நிதியியல் கணக்குகளுக்கான உயர்வான உட்பாய்ச்சல்களுடன் 2017 திசெம்பரில் தொடர்ந்தும் மேம்பட்டது. 2017 திசெம்பரில் ஏற்றுமதிகளிலிருந்தான வருவாய்கள் உயர்வீதமொன்றில் அதிகரித்த போதிலும், இறக்குமதிச் செலவினத்தில் ஏற்பட்ட அதிகரிப்பானது வர்த்தகப் பற்றாக்குறை விரிவடைவதனை தோற்றுவித்தது. எவ்வாறாயினும், சுற்றுலாப் பயணிகளின் வருவாய்கள் வாயிலாக ஏற்பட்ட தொடர்ச்சியான உட்பாய்ச்சல்கள், விரிவடைந்த வர்த்தகப் பற்றாக்குறையின் விரிவினைக் குறித்த மட்டமொன்றில் கட்டுப்படுத்துவதற்கு பங்களிப்புச் செய்தன. குறுகிய கால மற்றும் நீண்ட கால மூலதன உட்பாய்ச்சல்கள், மாதத்தின் போது தொடர்ந்தும் மேம்பட்டன. வெளிநாட்டுத் துறையில் சாதகமான அபிவிருத்திகளை பிரதிபலிக்கின்ற விதத்தில் 2017இல் சென்மதி நிலுவை ஐ.அ.டொலர் 2,068 மில்லியன் கொண்ட மிகையொன்றினைப் பதிவுசெய்த அதேவேளை, நாட்டின் மொத்த அலுவல்சார் ஒதுக்குகள் 2017இன் இறுதியில் ஐ.அ.டொலர் 8.0 பில்லியனாகவிருந்தது. அதேவேளை, 2017இன் போது இலங்கை ரூபா.2.0 சதவீதத்தினால் பெறுமானத் தேய்வடைந்தது.

முழுவடிவம்