இலங்கை மத்திய வங்கியின் கிளிநொச்சி பிராந்திய காரியாலயமானது, “நிதியியல் அறிவு” எனும் தலைப்பிலான பயிற்றுவிப்பாளர்களுக்கான இணையவழிப் பயிற்சியொன்றை வங்கித்தொழில் கற்கைகள் ஆய்வு நிலையத்துடன் இணைந்து 25 சனவரி 2021 அன்று யாழ் மாவட்டத்தில் தெரிவு செய்யப்பட்ட அபிவிருத்தி உத்தியோகத்தர்களுக்கு நடாத்தியிருந்தது. யாழ் மாவட்ட செயலகம் மற்றும் பல்வேறு பிரதேச செயலகங்களிலிருந்து 94 அபிவிருத்தி உத்தியோகத்தர்கள் இவ் இணையவழிக் கருத்தரங்கில் பங்குபற்றி பயனடைந்திருந்தனர். இலங்கை மத்திய வங்கியின் பேரண்ட முன்மதியுடைய கண்காணிப்புத் திணைக்களத்தைச் சேர்ந்த பிரதிப் பணிப்பாளர் முனைவர். இ சிறிதரன் அவர்கள் வளவாளராக பங்களித்திருந்தார்.

தேசிய கணக்கீட்டு தொகுப்பு எனும் தலைப்பிலான இணையவழிக் கருத்தரங்கானது பொருளாதார ஆராய்ச்சித் திணைக்களம் மற்றும் வங்கித்தொழில் கற்கைளுக்கான ஆய்வுநிலையம் ஆகியவற்றின் கூட்டிணைப்புடன் 18 செத்தெம்பர் 2020 அன்று வடமாகாணத்திலுள்ள உயர்தர பொருளியல் ஆசிரியர்களுக்கு வெற்றிகரமாக நடாத்தப்பட்டது. 133 ஆசிரியர்கள் இக்கருத்தரங்கில்  பங்குபற்றியிருந்தனர். இக்கருத்தரங்கின் வளவாளராக இலங்கை மத்திய வங்கியின் பொருளாதார ஆராய்ச்சித் திணைக்களத்தைச் சேர்ந்த மூத்த பொருளியலாளர் திரு. எம். கேசவராஜா அவர்கள் பங்குபற்றியிருந்தார்.

இலங்கையில் கொடுப்பனவுகளின் டிஜிட்டல் எதிர்காலம் எனும் தலைப்பிலான இணையவழிக் கருத்தரங்கானது கொடுப்பனவுகள் மற்றும் தீர்ப்பனவுகள் திணைக்களம் மற்றும் வங்கித்தொழில் கற்கைளுக்கான ஆய்வுநிலையம் ஆகியவற்றின் கூட்டிணைப்புடன் 09 திசெம்பர் 2020 அன்று வடமாகாணத்திலுள்ள உரிமம் பெற்ற வர்த்தக மற்றம் சிறப்பியல்பு வாய்ந்த வங்கிகளின் உத்தியோகத்தர்களுக்கு வெற்றிகரமாக நடாத்தப்பட்டது. இக்கருத்தரங்கில் 80 வங்கியாளர்கள் பங்குபற்றி பயனடைந்துள்ளனர். இக்கருத்தரங்கின் வளவாளராக இலங்கை மத்திய வங்கியின் கொடுப்பனவுகள் மற்றும் தீர்ப்பனவுகள் திணைக்களத்தைச் சேர்ந்த மூத்த உதவிப் பணிப்பாளர் திரு. பி. ஜி. ஜி. என். ரூபசிங்க அவர்கள் பங்குபற்றியிருந்தார்.