මූල්‍ය ස්ථායීතා මණ්ඩල (FSB) ආසියා කලාපීය උපදේශක කණ්ඩායම (RCG Asia) 2023 නොවැම්බර් 29 දින හොංකොං හි !~දී රැස් වූ අතර මෑත කාලීන මූල්‍ය වෙළෙඳපොළ ප්‍රවණතා සහ කලාපයට ඒවායේ බලපෑම, බැංකු නොවන මූල්‍ය අතරමැදිකරණය නිසා ඇතිවන අවදානම් පිළිබඳව සාකච්ඡා කළහ. ඇතැම් නැගී එන වෙළෙඳපොළ සහ සංවර්ධනය වෙමින් පවතින ආර්ථිකයන් (EMDEs) තුළ ස්වෛරී-බැංකු සම්බන්ධය (sovereign bank nexus) ගැඹුරු වීම සහ අතත්‍ය (crypto) වත්කම් ආශ්‍රිත අවදානම් ඵලදායී නියාමනය සහ අධීක්ෂණය ප්‍රවර්ධනය කිරීමේ ක්‍රම, සාමාජිකයින් මෙම අවදානම් හඳුනාගැනීම, අධීක්ෂණය සහ පිළියම් යෙදීම පිළිබඳ ඔවුන්ගේ අත්දැකීම් බෙදාගත් අතර මූල්‍ය පද්ධතිවල ඔරොත්තු දීමේ හැකියාව ඉහළ නැංවීම කෙරෙහි මූල්‍ය ස්ථායීතා මණ්ඩලයේ අඛණ්ඩ අවධානයෙහි ඇති වැදගත්කම ද සාකච්ඡා කෙරිණි.

හොංකොං මූල්‍ය අධිකාරියේ ප්‍රධාන විධායක සහ RCG Asia හි වත්මන් සාමාජික සම සභාපති එඩි යු මහතා සහ ශ්‍රී ලංකා මහ බැංකුවේ අධිපති සහ RCG Asia හි වත්මන් සාමාජික නොවන සම සභාපති ආචාර්ය නන්දලාල් වීරසිංහ මහතා විසින් මෙම රැස්වීමේ සම මුලසුන හොබවන ලදී. RCG Asia හි සාමාජිකත්වය ඕස්ට්‍රේලියාව, බෲනායි දරුස්සලාම්, කාම්බෝජය, චීනය, හොංකොං, ඉන්දියාව, ඉන්දුනීසියාව, ජපානය, කොරියාව, මැලේසියාව, නවසීලන්තය, පකිස්ථානය, පිලිපීනය, සිංගප්පූරුව, ශ්‍රී ලංකාව, තායිලන්තය සහ වියට්නාමය යන රටවල මූල්‍ය අධිකාරීන්ගෙන් සමන්විත වේ.

2023 වසරේ ඔක්තෝබර් මාසයේ දී ප්‍රධාන වශයෙන් ඇඟලුම් අපනයනවල අඩු ක්‍රියාකාරිත්වය තුලින් අපනයන ඉපැයීම් පහළ යෑම මෙන්ම ඉන්ධන ආනයන වියදම් ඉහළ යෑම තුලින් ආනයන වියදම් ඉහළ යෑම හේතුවෙන් වෙළඳ හිඟය 2022 වසරේ ඔක්තෝබර් මාසයට මෙන්ම 2023 වසරේ සැප්තැම්බර් මාසයට සාපේක්ෂව පුළුල් විය. 

2023 වසරේ ඔක්තෝබර් මාසයේ දී විදේශ සේවා නියුක්තිකයන්ගේ ප්‍රේෂණ එ.ජ. ඩොලර් මිලියන 500 ඉක්ම වූ අතර, සංචාරක ඉපැයීම් පෙර වසර සමඟ සසඳන විට 2023 වසරේ ඔක්තෝබර් මාසයේ දී කැපී පෙනෙන වර්ධනයක් පෙන්නුම් කළේය.

2023 වසරේ ඔක්තෝබර් මාසයේ දී රාජ්‍ය සුරැකුම්පත් වෙළඳපොළෙහි විදේශ ආයෝජන අඛණ්ඩව ශුද්ධ ගෙවීමක් වාර්තා  කල ද  වසරේ මේ දක්වා ශුද්ධ ලැබීම් වාර්තා කර ඇත.

2023 වසරේ ඔක්තෝබර් මාසය අවසාන වන විට දළ නිල සංචිත ප්‍රමාණය එ.ජ. ඩොලර් බිලියන 3.6ක් විය.

2023 වසරේ ඔක්තෝබර් මාසය තුළ දී ශ්‍රී ලංකා රුපියල එ.ජ. ඩොලරයට සාපේක්ෂව පුළුල් ලෙස ස්ථාවරව පැවතුණි.