කොළඹ පාරිභෝගික මිල දර්ශකයෙහි (කො.පා.මි.ද., 2021=100)1 වාර්ෂික ලක්ෂ්යමය වෙනස මගින් මනිනු ලබන මතුපිට උද්ධමනය, මැදපෙරදිග කලාපයේ පවතින ගැටුම්කාරී තත්ත්වය හමුවේ දේශීය බලශක්ති මිල ගණන් ඉහළ දැමීමේ බලපෑම පිළිබිඹු කරමින්, 2026 මැයි මාසයේ දී ඉලක්කගත මට්ටමට වඩා සුළු වශයෙන් ඉහළින් පැවතුණි. ඒ අනුව, වාර්ෂික ලක්ෂ්යමය පදනම මත මතුපිට උද්ධමනය 2026 අප්රේල් මාසයේ දී වාර්තා වූ සියයට 5.4ට සාපේක්ෂව 2026 මැයි මාසයේ දී සියයට 5.5ක් ලෙස වාර්තා විය.
