පසුගිය වසරවල අලුත් අවුරුදු සමයේ පැවති රටාවට අනුගතව බොහෝ අංශවල ක්‍රියාකාරකම් මන්දගාමීවීම තුළ, ඉදිකිරීම් අංශයෙහි ශ්‍රී ලංකා ගැනුම් කළමනාකරුවන්ගේ දර්ශකය ද අප්‍රේල් මාසයේ දී දර්ශකාංක 31.9ක් දක්වා පහත වැටීමක් වාර්තා කරන ලදී. මෙමගින් ඉදිකිරීම් ක්‍රියාකාරකම් පසුගිය මාසයට සාපේක්ෂව පහත වැටීමක් පෙන්නුම් කරයි. සමීක්ෂණයට ප්‍රතිචාර දැක්වූවන් සඳහන් කළ පරිදි, දීර්ඝ අලුත් අවුරුදු නිවාඩුව හේතුවෙන් බොහෝ ඉදිකිරීම් වැඩබිම් මෙම මාසය තුළ තාවකාලිකව වසා දැමීම මෙම පසුබැසීමට හේතු වී ඇත.
