கொழும்பு மாவட்டத்திற்கான காணி விலைமதிப்பீட்டுக் குறிகாட்டியானது 2024இன் அதே காலப்பகுதியுடன் ஒப்பிடுகையில் மேல்நோக்கிய போக்கில் சென்று, 2025இன் இரண்டாம் அரையாண்டில்; 10.6 சதவீதத்தினால் அதிகரித்தது. காணி விலைமதிப்பீட்டுக் குறிகாட்டியின் அனைத்துத் துணைக் குறிகாட்டிகளும் அதாவது, முறையே 12.4 சதவீதம், 11.3 சதவீதம் மற்றும் 8.0 சதவீதம் கொண்ட ஆண்டு அதிகரிப்புகளைப் பதிவுசெய்த வதிவிட, வர்த்தக மற்றும் கைத்தொழில் காணி விலைமதிப்பீட்டுக் குறிகாட்டிகளுக்கிடையில் இவ்வதிகரிப்பு காணக்கிடைத்தது. அதேவேளை, காணி விலைமதிப்பீட்டுக் குறிகாட்டியும் அதன் துணைக் குறிகாட்டிகளும் 2025இன் முதலாம் அரையாண்டு காலப்பகுதியில் பதிவாகிய பெறுமதிகளுடன் ஒப்பிடுகையில், 2025இன் இரண்டாம் அரையாண்டு காலப்பகுதியில் அரையாண்டு அடிப்படையில் மிதமான அதிகரிப்புக்களைப் பதிவுசெய்தன. வர்த்தக மற்றும் வதிவிட காணி விலைமதிப்பீட்டுக் குறிகாட்டிகள், 2025இன் முதலாம் அரையாண்டுடன் ஒப்பிடுகையில் உயர்வான அதிகரிப்புக்களைப் பதிவுசெய்தன.   

முழுவடிவம்