சுற்றுலா வருவாய்களில் தொடர்ச்சியான வளர்ச்சி காணப்பட்டமைக்கிடையிலும் வர்தத்கப் பற்றாக்குறையில் காணப்பட்ட மோசமான தன்மையின் காரணமாக 2016 ஒத்தோபரில் இலங்கையின் வெளிநாட்டுத் துறை மிதமான செயலாற்றமொன்றினையே பதிவுசெய்தது. ஏற்றுமதி வருவாய்களில் சிறிதளவு வளர்ச்சி காணப்பட்டபோதும் உயர்ந்த இறக்குமதிச் செலவினங்களின் விளைவாக ஒத்தோபரில் வர்த்தகப் பற்றாக்குறை விரிவடைந்தது. 2016 ஒத்தோபரில் இறக்குமதி செலவினத்தில் ஏற்பட்ட குறிப்பிடத்தக்க அதிகரிப்பிற்கு துறைமுகநகர கட்டுமான செயற்றிட்டங்களுக்காக மணல்வாரிக் கப்பலொன்று இறக்குமதி செய்யப்பட்டமையே முக்கிய காரணமாக அமைந்தது. அதேவேளை, தொழிலாளர் பணவனுப்பல்கள் சிறிதளவு உயர்வாகக் காணப்பட்ட வேளையில், 2016 ஒத்தோபர் காலப்பகுதியில் சுற்றுலாவிலிருந்தான வருவாய்களில் ஆரோக்கியமான வளர்ச்சியொன்று அவதானிக்கப்பட்டது. கொழும்பு பங்குச்சந்தைக்கான உட்பாய்ச்சல்கள் மற்றும் அரசிற்கான நீண்ட கடன்பெறுகைகள் என்பன சென்மதி நிலுவையின் நிதியியல் கணகக் pற்கு ஆதரவளித்தபோதும் அரச பிணையங்கள் சந்தை 2016 ஒத்தோபர் காலப்பகுதியில் தேறிய வெளிப்பாய்ச்சலொன்றைக் காட்டியது.

முழுவடிவம்