2023 ජූලි මාසයේ ගැනුම් කළමනාකරුවන්ගේ දර්ශක මගින් සේවා ක්‍රියාකාරකම්වල වර්ධනයක් ද නිෂ්පාදන ක්‍රියාකාරකම්වල පහත වැටීමක් ද පෙන්නුම් කරන ලදී.
නිෂ්පාදන ක්‍රියාකාරකම් යථා තත්ත්වයට පත්වීමේ යම් ප්‍රමාදයක් පිළිඹිබු කරමින්, නිෂ්පාදන අංශයේ ගැනුම් කළමණාකරුවන්ගේ දර්ශකය 2023 ජූලි මාසයේදී 44.6ක දර්ශක අගයක් වාර්තා කරමින් අඛණ්ඩව පහත වැටුණි. මේ සඳහා සියලුම උප-දර්ශකයන්ගේ පසුබැස්ම හේතු විය.
සේවා අංශයෙහි ගැනුම් කළමනාකරුවන්ගේ දර්ශකය, සේවා ක්‍රියාකාරකම්හි අඛණ්ඩ වර්ධනයක් පෙන්නුම් කරමින්, 2023 ජූලි මාසයේ දී දර්ශකාංක 59.5ක් දක්වා තවදුරටත් ඉහළ ගියේය. මේ සඳහා නව ව්‍යාපාර, ව්‍යාපාර ක්‍රියාකාරකම්, සේවා නියුක්තිය සහ අපේක්ෂිත ව්‍යාපාර ක්‍රියාකාරකම්හි සිදු වූ ඉහළ යෑම් හේතු විය. කෙසේ වුවද, ජූලි මාසය තුළ දී නිමකිරීමට නියමිත කාර්යයන් අඩු අගයක පැවතුනි.
