ශ්‍රී ලංකා මහ බැංකුවේ මාතර ප්‍රාදේශීය කාර්යාලය විසින් සුළු හා මධ්‍ය පරිමාණ ව්‍යවසායකයන් සහ මාතර හා හම්බන්තොට දිස්ත්‍රික්කයන්හි සියලු ප්‍රාදේශීය ලේකම් කාර්යාලවලට අනුයුක්ත ව සිටින සංවර්ධන නිලධාරීන් සඳහා සංවිධානය කරන 'ව්‍යපාර ඩිජිටල්කරණය සහ ඩිජිටල් අලෙවිකරණය පිළිබඳ පුහුණු වැඩසටහන' 2019 පෙබරවාරි මස 28 වන දින පෙරවරු 8.30 සිට මාතර ප්‍රාදේශීය ලේකම් කාර්යාලයීය ශ්‍රවණාගාරයේ දී පැවැත්වේ. ශ්‍රී ජයවර්ධනපුර විශ්වවිද්‍යාලයේ කළමනාකරණ අධ්‍යයන හා වාණිජ පීඨයේ ව්‍යවසායකත්ව දෙපාර්තමේන්තුව විසින් මෙම වැඩසටහන සඳහා සම්පත්දායකත්වය සපයා දෙනු ලැබේ.