යාපනයේ ස්ථාපනය කර තිබූ ශ්‍රී ලංකා මහ බැංකුවේ ප්‍රාදේශීය උප කාර්යාලය 2017 ජූනි 15 දින සිට කිලිනොච්චියේ අරිවියල් නගර්හි කිලිනොච්චිය ප්‍රාදේශී්‍ය කාර්යාලය සමඟ ඒකාබද්ධ කළ බව මහජනතාවට මෙයින් දැනුම් දෙනු ලැබේ. ඒ අනුව, මින් ඉදිරියට කිලිනොච්චි ප්‍රාදේශීය කාර්යාලය මඟින් වර්තමානයේ ඉටු කරනු ලබන සේවාවලට අමතර ව යාපනය ප්‍රාදේශීය කාර්යාලය මඟින් මෙතෙක් ඉටු කරනු ලැබූ සේවක අර්ථසාධක අරමුදල සම්බන්ධ සේවා, මහ බැංකු ප්‍රකාශන අලෙවිය හා යාපනය ප්‍රදේශය තුළ සිදු කරනු ලැබූ කුසලතා/කළමනාකරණ සංවර්ධන වැඩසටහන් හා අනෙකුත් දැනුම්වත් කිරීමේ වැඩසටහන් ක්‍රියාත්මක කිරීම හා ණය ලබා දීමේ යාන්ත්‍රණය ප්‍රවර්ධනය කිරීම වැනි විවිධ සේවා ද කිලිනොච්චි ප්‍රාදේශී්‍ය කාර්යාලය මඟින් සිදු කරනු ඇත.
Published Date:
Wednesday, June 28, 2017