2018 අප්‍රේල් මස 12 වැනි බ්‍රහස්පතින්දා මධ්‍යම රාත්‍රියේ සිට බලපැවැත්වෙන පරිදි ගැසට් නිවේදනයක් මගින් ආණ්ඩුක්‍රම ව්‍යවස්ථාවේ 70 වැනි වගන්තියෙන් ජනාධිපතිවරයාට පැවරී ඇති බලතල අනුව පාර්ලිමේන්තු සැසිවාරය කල් දමා ඇත. මීළඟ පාර්ලිමේන්තු සැසිවාරය 2018 මැයි මස 8 වැනි දින ආරම්භ වේ. මෙම කාල සීමාව තුළ යෝජනා හෝ ප්‍රශ්න පාර්ලිමේන්තුවේ සභාගත කළ නො හැකි අතර පාර්ලිමේන්තුව මගින් කලින් ගන්නා ලද ක්‍රියාමාර්ග වලංගු ව පවතී. පාර්ලිමේන්තු සැසිවාරය කල් දැමීම රජයේ ක්‍රියාකාරකම් සහ මෙහෙයුම් කෙරෙහි කිසිදු බලපෑමක් නැත.
Published Date:
Friday, April 13, 2018