ශ්‍රී ලංකා මහ බැංකුවේ මුදල් මණ්ඩලය 2023 අප්‍රේල් මස 04 වැනි දින පැවති රැස්වීමේදී ශ්‍රී ලංකා මහ බැංකුවේ නිත්‍ය තැන්පතු පහසුකම් අනුපාතිකය (SDFR) සහ නිත්‍ය ණය පහසුකම් අනුපාතිකය (SLFR), පිළිවෙළින්, සියයට 15.50 සහ සියයට 16.50 ලෙස දැනට පවතින මට්ටමේ පවත්වාගෙන යෑමට තීරණය කළේය. ජාත්‍යන්තර මූල්‍ය අරමුදලෙහි විස්තීර්ණ ණය පහසුකම ක්‍රියාත්මක වීමත් සමග වෙළඳපොළ අපේක්ෂා වැඩිදියුණු වීම මෙන්ම අඩු වෙමින් පවතින අවදානම් පිළිබිඹු කරමින් ඉහළ මට්ටම්වල පැවති වෙළඳපොළ පොලී අනුපාතික පහළ යෑම මධ්‍යයේ මෑත කාලීන හා අපේක්ෂිත ආර්ථික ප්‍රවණතා සහ දේශීය හා ගෝලීය වශයෙන් පවතින සාර්ව ආර්ථික පුරෝකථන සැලකිල්ලට ගෙන දැනට පවතින නිර්-උද්ධමන ක්‍රියාවලිය අඛණ්ඩව පවත්වාගෙන යෑමට පහසුකම් සැලසීම සඳහා මුදල් තත්ත්ව ප්‍රමාණවත් ලෙස දැඩිව පැවතීම සහතික කිරීමට පවතින දැඩි මුදල් ප්‍රතිපත්ති ස්ථාවරය පවත්වාගෙන යෑම අවශ්‍ය බව මුදල් මණ්ඩලයේ අදහස විය.
Tuesday, April 4, 2023