COVID-19 වසංගතය පැතිරීම මධ්‍යයේ, බස්නාහිර පළාත ආර්ථිකයේ කේන්ද්‍රස්ථානය ලෙස අඛණ්ඩව පැවති අතර සමස්ත ආර්ථිකයේ සිදු වූ පසු බෑම කෙරෙහි එහි දායකත්වයේ අඩු වීම ද හේතු විය.

රටේ නාමික දළ දේශීය නිෂ්පාදිතයේ (ද.දේ.නි.) ඉහළම දායකත්වය (සියයට 38.0) බස්නාහිර පළාත විසින් ලබා දී ඇත. කෙසේ වෙතත්, වසංගත තත්ත්වය මධ්‍යයේ ආර්ථික ක්‍රියාකාරකම් මන්දගාමී වීම හේතුවෙන්, එහි දායකත්වය 2019 වසරේ සිට සියයට 1.0 කින් අඩු වී ඇත. මධ්‍යම පළාත (සියයට 11.3) සහ වයඹ පළාත (සියයට 11.0) පිළිවෙලින් දෙවන සහ තෙවන ඉහළම දායකත්වයන් ලබා දී ඇත.

වයඹ, දකුණ, සබරගමුව සහ උතුරු මැද පළාත්වල දායකත්වයන්හි ඉහළ යාමක් සිදු වී ඇති අතර බස්නාහිර සහ උතුරු පළාත්වල දායකත්වය පෙර වසරට සාපේක්ෂව අඩු වී ඇත. 

සම්පුර්ණ ලිපිය