ශ්‍රී ලංකා මහ බැංකුවේ මාතර ප්‍රාදේශීය කාර්යාලය විසින් අම්බලන්තොට මාමඩල මහා විද්‍යාලයේ සිසු සිසුවියන් සඳහා සංවිධානය කරන ලද "අධ්‍යාපනික වැඩසටහන" 2018 ජූලි මස 25 වන දින ශ්‍රී ලංකා මහ බැංකුවේ මාතර ප්‍රාදේශීය කාර්යාලයීය ශ්‍රවණාගාරයේ දී සාර්ථකව පැවැත්විණි. මෙම වැඩසටහන සඳහා සිසු සිසුවියන් 50ක් සහභාගී වූහ.

DFCC බැංකුවේ අකුරැස්ස ශාඛාව සමග ඒකාබද්ධව ශ්‍රී ලංකා මහ බැංකුවේ මාතර ප්‍රාදේශීය කාර්යාලය විසින් අකුරැස්ස ප්‍රදේශයේ සුළු හා මධ්‍ය පරිමාණ ව්‍යවසායකයන් සඳහා පවත්වන ලද "ව්‍යවසායකත්වය සහ මූල්‍ය සාක්ෂරතාවය" පිළිබඳ වැඩසටහන 2018 අගෝස්තු මස 03 වන දින අකුරැස්ස උරුවෙල තේ කර්මාන්ත ශාලා පරිශ්‍රයේ දී සාර්ථකව පැවැත්විණි.

ශ්‍රී ලංකා මහ බැංකුවේ මාතර ප්‍රාදේශීය කාර්යාලය විසින් අම්බලන්තොට ප්‍රාදේශීය ලේකම් කාර්යාලයීය බල ප්‍රදේශයේ සිටින රාජ්‍ය නිලධාරීන්, සුළු හා මධ්‍ය පරිමාණ ව්‍යවසායකයන් සහ සාමාන්‍ය ජනතාව සඳහා සංවිධානය කරන ලද මූල්‍ය සාක්ෂරතාව පිළිබඳ දැනුම්වත් කිරීමේ වැඩසටහන 2018 ජූලි මස 23 වැනි දින අම්බලන්තොට ප්‍රාදේශීය ලේකම් කාර්යාලයේ දී සාර්ථක ව පැවැත්විණි. මෙම වැඩසටහන සඳහා 114ක පිරිසක් සහභාගී වූ හ.

රුහුණ විශ්වවිද්‍යාලයේ කළමනාකරණ හා මූල්‍ය පීඨය සමඟ ඒකාබද්ධ ව ශ්‍රී ලංකා මහ බැංකුවේ මාතර ප්‍රාදේශීය කාර්යාලය විසින් මාතර දිස්ත්‍රික් සුළු හා මධ්‍ය පරිමාණ ව්‍යවසායකයන් සහ රුහුණ විශ්වවිද්‍යාලයේ සිසුන් හා කාර්ය මණ්ඩලය සඳහා සංවිධානය කරන ලද නව දේශීය ආදායම් පනත පිළිබඳ දැනුම්වත් කිරීමේ වැඩසටහන 2018 ජූලි මස 18 වැනි දින රුහුණ විශ්වවිද්‍යාලයේ දී සාර්ථක ව පැවැත්විණි. මෙම වැඩසටහන සඳහා 274ක පිරිසක් සහභාගී වූ හ.